الى المبروكة بت اختى..الدكتورة فاطمة صديق حسن ابراهيم

سودانية نيوز
*يانسمة صيف وتُمامةَ الكيف ياعنوان البشر الخَاتي الزيف.. بت الصديق فراج الضيق. يامَلَايْكَايةَ البني آدمين،، يامريم جيلك زي طيبتك وين؟؟
الانسانية المعني الشامل عاد تختاكي تفوت لي مين.؟؟!!
عايب تب كان حوجتك لي دمع العين.؛؛
عايب خالك كان كستيهو ومالقيتيهو،.. انت صفاك الناس يقروهو، باب الخير المابسِدوهو، فرح الدنيا الفي الروح عبوهو، معني صفاكي ومعني بهاكي وين يلقوهو؟، انت الكنز المابدوهو.. وكم من نفراً زيي يقولك انا برضو مدين.، وكم من نفراً يقولك ماداخرنك ولاشتين دايرنك هسه ولي بعدين، ترياق الهم ياشوف العين .. ياشب الروح للبني آدمين… الا اقولك؟ ابقصي من الطيبة شوية ادي معاك الناس ااااآبنية خلي العالم يهدا شوية ينسي الغل ويصفي النية،، وزعي طيبتك بنفس سخية،، تلقي الحرب اتلاشت،، تلقي الناس بالناس اتماشت،، تلقي الناس للكره اتحاشت… تاني اقولك؟؟ سلام ااااابنية عين لاتصيبك وافر الخير يبقي نصيبك،، شيلي الشيلة والله حسيبك*

*الكرار على خال الدكتورة*